Tuesday, June 23, 2009

Performance testing o pagsubok ng kakayahan

Performance testing o pagsubok ng kakayahan
Sa pagpili ng pangastang tandang, ang pangunahin nating interes ay ang kanyang galling sa paglaban. Ang hinahanap ko sa aking mga pangastang tandang ay ang mga may katangian na matapang sa tari, mabilis lumaban, mautak, magaling sa dikitan, matulin pumatay at mabilis pumalo. Inaakala ko na ang anim na katangiang itoy lubhang kailangan sa sabong na may tari. Ang mga katangiang itoy susuriin natin ng mas malalim.
Kinakailangang ibitaw natin ang tandang para Makita natin ang kanyang galing sa paglaban. Ito ang pinakasimpleng performance test o pagsubok sa kakayahan para sa pangastang tandang. Gayunman hindi sapat na pagsubok ang isang bitaw, sapagkat madali tayong magkakamali sa pagtasa ng kagalingan niya kung saan ang isang tandang ay naibitaw sa gagong kalaban. Kapag naglaban ang dalawang tanga, ang isa sa kanila ay magmumukhang magaling.
Mapabubuti natin ang bitaw bilang isang pagsubok kung magdadala tayo ng ating mahusay na panabong upang ibitaw sa isang pinagpipiliang pangasta. Ngunit karamihan sa manlalahiy ipinagbabawal ito dahil takot silang magdadala ng sakit sa kanyang palahian ang manok sa galing sa labas.
Maaari rin mapabuti ang bitaw bilang batayan sa pagpili ng pangastang tandang kung ibibitaw natin ang mga kandidatong pangastang tandang ng maraming beses, na parang round-robin sa basketball. Kung gusto ng bagitong pumili ng dalawang tandang, dapat siyang pumili muna na walong tandang na ibibitaw. Ang pagpiling walong tandang ay maaaring ibatay sa kanilang hugis ng katawan, edad, Itsura ng balahibo, pagkaalisto at iba pa. dapat niyang ibitaw ang apat na pares at pagkatapos alisin ang mga natalo. Ang natirang dalawang pares ay dapat ibitaw rin at ang dalawang tandang na mananalo ulit ang dapat piliin ng bagito. Kung gusto ng bagito ang maniguro, maaari niyang ibitaw ng tatlong beses ang dalawang kampyon, para Makita niya kung magbabago ang palo nila. Sa paggawa ng ganitong klase ng bitaw, makakabuti sa bagito kung ipapaliwanag muna niya sa may-ari ng manok na siyay siguradong bibili ng dalawang panabong, dahil baka naman magalit ang may-ari sa sobrang pagbitaw ng kanyang mga manok.
Gayunman, kahit na gaanong kaingat ang pagplano ng bitaw bilang performance test ng pangastang tandang, hindi parin nito masusukat ang katapangan sa tari at ang abilidad na pumatay ng mabilis. Hindi gaanong nasasaktan ang panabong sa bitaw kung ikukumpara sa sabong na may tari at pagpalo ng mga panabong ay ubod ng tulin, kaya hindi natin kayang matiyak kung sino talaga ang sumusuntok na malinis at malakas habang ibinibitaw ang mga panabong.

Sunday, June 21, 2009

Breeding Method


PAGPILI NG PANGASTA
Ang susi ng tagumpay sa sabong ay ang tamang pagpili ng manok. Ang kakayahan sa pagpili ng isa o dalawang pinakamahusay na panabong mula sa maraming mga panabong ay ang kakayahang maka angat sa bihasang sabungero. Mahalaga ang kakayahang ito para sa pagpapalahi. Ang pagkakamali sa pagpili ng mga pangasta ay lalabas na mas magastos kaysa pagkakamali sa pagpili ng mga panlaban.

Tuesday, June 16, 2009

PAGBILI NG PANGASTA

Madaling bumili ng pangastang panabong sa ating bayan dahil sa katanyagan ng larong sabong sa buong kapuluan. Alam ng mga kristo, Mananari at Tahur kung nasaan ang palahian ng malalaking manlalahi. Aking mapapayo sa mga bagito na dapat munang eksaminin at subukan ang mga pangasta bago ito bilhin. Ang malaking disbentaha ng pagbili ng pangasta mula sa estados unidos ay hindi sila puwedeng eksaminin; mahal rin ang pag angkat ng pangasta at mahirap silang ipasok sa ating bayan dahil sa red tape ng pamahalaan. Hindi ko ipinapayo na bumili ng itlog o sisiw upang palakihin ito at gawing pangasta dahil sa hindi puwedeng makapili ng mahusay na pangasta sa mga itlog at sisiw. Hindi dapat magdali ang bagito sa pagbili niya ng mga pangasta. Dapat siyang bumisita sa marahing palahian upang maikumpara niya ang kagalingan at ang presyo ng ibat-ibang mga lahi. Maraming pagpipiliang panabong sa mga malalaking palahian at itoy isang bentahi nila. Karamihan sa kanila ay sumasali sa mga malalaking derbies, kaya kailangan maging mahuhusay ang kanilang mga lahi upang hindi sila lumobog.
Nararapat na bumili mula sa mga manlalahi, kahit malaki o maliit man, na madalas mag laban sa sabungan ng kanilang lahi, kahit sa malaking mga derbies o sa mga hakpyt lamang. Unang-una, maaaring tantsahin ng bagito ang tunay na galling ng mga manok ng mga manlalahing aktibo sa sabungan.
Halos imposibleng makabili ng pinakamataas na antas ng mga pangasta dahil sa walang manlalahing nagbebenta ng kanyang pinakamahusay na pangasta, kahit magkano pa ang ibayad sa kanya. Ang pinakamahusay na panglaban lang ang ibenibenta ng mga manlalahi, at mataas ang mga presyo nito. Ang mga eksipsyon lamang sa alituntuning ito itoy ang mga manlalahing nalulugi at isasara na ang kanilang palahian, o kayay magreretiro na dahil sa katandaan. Handa silang ibenta ang lahat ng kanilang manok, pati na ang mga pinakamataas na antas na pangasta. Ang mga sitwasyong ganitoy mga gintong pagkakataon sa bagito na makapag impok ng napakagaling na pangasta sa presyong makakaya niya.

Friday, June 12, 2009

BREEDING

PAGPILI NG PANGASTA

Dapat tandaan ng bagitong sabungero, sa pagsimula nya niyang magpalahi ng panabong, ang pagpapalahiy nangangailangan ng di-kakaunting sikap, panahon at salapi. Gayunman, ang pagpalaganap ng mga buhay na hayop, lalong-lalo na ang mga maginoong panabong ay makakapagbigay ng malaking kasiyahan sa isang sabungero.
Ang unang hakbang para maging BREEDER O MANLALAHI ay makatotohanang tayahin kung gaanong panahon, sikap, at salapi ang puwedeng ilaan sa hilig na ito. Dapat itong ibatay sa ating mga hangarin o layunin.
Ano-ano ba ang ating mga layunin?
1. Ang maging sikat na sabungero sa buong mundo.
2. Magbenta ng mga panabong.
3. Para my pang hakpayt sa ating paboritong sabungan.

1. Kung ang layunin natin ay ang una dapat nating pumili ng magagandang materyales sa pamamagitan ng pagbili ng superior na manok sa mga sikat na sabungero, ngunit kailangan nating gumastus ng malaki para makuha natin ang superior na manok na siyang magpapasikat sa atin sa larangan ng sabong.
2. Kung ang layunin naman natin ay ang magbenta ng mga panabong, halos parehas lang ito sa unang layunin kailangan rin nating bumili ng mga superior na materyales upang mabili ito ng mga sabungero.
3. Sa pangatlong layunin hindi kailangang gumastos ng malaki, puwede ka ritong humiram o humingi ng mga pangasta sa inyong mga kaibigan na sabungero.

THE BEST


ROTATION
Ito ay ang pagpapalipatlipat ng ating manok panabong sa ibat-ibang lugar o pwesto para:
-maging maliksi o alisto sa laban.
-hindi siya matakot kahit saang lugar siya ilagay.
-lagi siyang gumagalaw at hindi siya naiinip.


HALIMBAWA NG ROTATION
-cord to other cord
-cord to flying pen (2hrs) to other cord
-cord to 3x3 pen or running pen to other cord


PAGPAPAILAW
Ito ay ang pagsasanay sa ating mga panlaban na makakita ng maliliwanag na ilaw katulad sa sabungan.
Nasasanay sila sa maliwanag na ilaw upang hindi na sila tumingala sa oras ng laban.


PAGPAPAHINGA
Isang oras matapos patukain ang manok panabong sa umaga siya ay kinukulong at tinatakpan ng tabing o madilim na tela para siya ay makapagpahinga.
Matapos ang dalawang oras na pagpapahinga siya ay inilalabas para makapag unat-unat sa loob ng 10-15 minuto at siya ay muling ipapasok sa kulungan. Ito ay ginagawa hanggang dumating ang oras ng pagpapatuka sa hapon.
Matapos tumuka sa hapon at kapag maganda ang panahon maaari natin siyang patulugin sa kanyang tarian. Ginagawa ito upang siya ay magkaroon ng sapat na “moisture” o tubig sa katawan na tinatanggal naman sa pointing sa araw ng laban.

BIBOY ENRIQUEZ BIRDS



PAGPAPATUKA


Sa bawat pagpapatuka ng 30-40 gramo, magdagdag ng isang kutsarita or 3-5 gramo ng PELLETS simula sa unang araw hanggang ika 18 na araw ng pagkokundisyon para:
- Matugunan ang tamang buka o spread ng katawan ng manok
- Mapanatili ang magandang pangangatawan ng manok habang humaharap sa mabigat na ehersisyo.


PAGPAPAKASKAS (SCRATCH PEN)


- Ito ay may sukat na 3ft x 3ft
- Balat ng mais o dayami ang mainam na ilagay dito na makakaykay ng manok.
- Sinisimulan ito tuwing ika 4 ng umaga kasabay ng pagpapasanay sa ilaw, kahig at sampi. Tumatagal ng 5-10 minuto ang bawat pagpapakaskas.
- Nakakatulong ito sa pagdidibelop ng kalamnan at tatag o resistensya sa pagod.

PAGPAPALAKAD


- Ginagawa ito sa ruweda o lupa upang masanay dito ang manok para sa pagdating ng oras ng laban ay palagay na o adjusted na siya sa kanyang tinatapakan.


PAGSASAMPI


- Ginagawa ito ng dalawang tao habang pinakakahig ang panlaban. Pinagsasalpok sa ere ang dalawang panlaban para mag pang abot.
- Natuto syang umangat at hindi magpauna ng palo sa kalaban.

Monday, June 8, 2009

HI ACTION HATCH


SPARRING O PAG BIBITIW


- Ito ang pagbibitaw o pinaglalaban ang dalawang manok ng walang tari para Makita ang kanilang kilos o galaw sa pakikiglaban
- Dalawa hanggang tatlong salpukan ang karaniwang pag bibitaw.
- Nakakatulong ito sa pag dedebelop ng kanilang istilo at kakayanan sa pakikipag laban.
- Nakikita natin kung siya ay nagbibigay ng maayos na patama ng mga paa sa kalaban.
- Napag- aaralan natin ang kanilang tamang galit at kung papaano sila bibitiwan sa oras ng laban.


CARBOLOADING


- Ito ay ang pagpapakain ng mga patuka na may mataas na antas ng carbohydrates tulad ng mais, kanin at mga oats.
- Ginagawa ito sa ikalawang araw bago ang laban para sa karagdagang enerhiya n gating mga panlaban


PAALALA: Huwag masyado i- carboload ang mga panlaban kapag mainit ang panahon dahil masyado silang hihingalin.


POINTING


- Pag papahinga ng manok sa kulungan.
- Pag mumonitor ng pag kain at tubig sa katawan ng manok lalo na sa araw ng laban.
- Inilalabas ang manok tuwing makalipas ang 2 oras para makapag unat- unat.